Bir müəssisənin aylıq ofis ləvazimatlarına ayırdığı büdcə ortalama 50-100 manatdan başlayır . Bu məhsulları nağd formada rəsmiləşdirmədən əldə etdiyi təqdirdə müəssisənin itirdikləri aşağıdakılardır (Nümunədə alınan malın ümumi dəyəri 100 manat olaraq təyin edilir):
1. 100 AZN-lik məhsul üçün əsas məbləğ 84.74 AZN , ƏDV məbləği 15.26 AZN təşkil edir. Qaimə təqdim edildikdə və ödəniş nağdsız qaydada olduqda, alınan malı 18 % endirimlə əldə etmiş olursunuz. Yəni ƏDV məbləğini əvəzləşdirməklə geri qaytarırsınız.
2. 500 manatadək alınan əsas vəsaitlər az qiymətli, tez köhnələn
sayıldığı üçün məbləğin tamamı xərc olaraq qeyd edilir. Bu da o deməkdir ki,
100 manatlıq məhsul üçün il sonu təqdim ediləcək Mənfəət Vergisi 20 manat
azalır.
Ümumi olaraq, illik 1200 manatlıq məhsulun ( 100* 12 ay) 183.05
manatı ƏDV olaraq, 240 manatı isə Mənfəət Vergisinin azalan hissəsi olaraq
uçota alınır. Nəticədə aldığınız ofis ləvazimatları satış qiymətindən 38 % daha
ucuz başa gəlir.
