Əmtəə Nişanı Nədir? Azərbaycanda Əmtəə Nişanının Alınması Prosesi necə aparılır?

Əmtəə Nişanı Nədir? Azərbaycanda Əmtəə Nişanının Alınması Prosesi necə aparılır?

Əmtəə nişanı (brend markası) şirkətlərin məhsul və xidmətlərini tanıtmaq, onları rəqiblərindən ayırmaq üçün istifadə olunan simvol, söz, loqotip və ya hər hansı digər göstəricidir. Əmtəə nişanı bir məhsul və ya xidmətin müstəsna hüququna sahib olmaq üçün vacibdir və həmçinin müştərilərin bu məhsulu digərlərindən ayırmasına kömək edir. Azərbaycanda əmtəə nişanlarının qeydiyyatı prosesini mütləq şəkildə hüquqi çərçivədə həyata keçirmək lazımdır.

Əmtəə Nişanı Nədir?

Əmtəə nişanı məhsulun və ya xidmətin mənbəyini göstərən fərqləndirici işarədir. Bu işarə adətən loqo, xüsusi dizayn, rəng birləşməsi və ya hətta müəyyən bir simvoldan ibarət ola bilər. Əmtəə nişanının əsas məqsədi, istehlakçıların məhsulu və ya xidməti bazarda tanıyıb fərqləndirə bilməsini təmin etməkdir.  Əmtəə nişanı bizneslərin özünəməxsusluğunu və bazarda tanınmasını təmin etməklə yanaşı, eyni zamanda brendin hüquqi müdafiəsini də təmin edir. Bu, rəqiblərin və ya üçüncü şəxslərin sizin brendinizi icazəsiz istifadə etməsinin qarşısını almağa imkan verir.

Azərbaycanda Əmtəə Nişanının Alınması Prosesi

1. Nişanın Seçilməsi

Əmtəə nişanının seçilməsi ilkin addımdır. Bu prosesdə unikal, fərqləndirici və artıq bazarda mövcud olan digər nişanlarla qarışdırılmayacaq bir dizayn seçilməlidir. Əgər əmtəə nişanı digər qeydiyyatlı nişanlara bənzərdirsə, qeydiyyat prosesi çətinləşə bilər və hüquqi problemlərlə qarşılaşa bilərsiniz. Seçdiyiniz əmtəə nişanı ümumişlək sözlərdən ibarət olmamalıdır. Məsələn, tekstil, usta, maşın, bakery və s.

2. Ərizənin Hazırlanması və Qeydiyyat

Əmtəə nişanının qeydiyyatı üçün ərizə Azərbaycan Respublikasının Əqli Mülkiyyət Agentliyinə təqdim edilməlidir. Bu ərizə elektron qaydada da verilə bilər. Ərizədə təmsil olunan nişan və ya loqo, onun hansı məhsul və ya xidmətləri əhatə edəcəyi və ərizəçinin məlumatları daxil edilir.

3. Ekspertizanın Keçirilməsi

1. İlkin Ekspertiza  

Bu mərhələdə, əmtəə nişanının formalaşdırılması ilə bağlı hüquqi tələblərə cavab verib-vermədiyi yoxlanılır. Bu mərhələ ərizə təqdim edildikdən sonra həyata keçirilir və əsas məqsəd sənədlərin düzgün və tam şəkildə doldurulub-doldurulmadığını yoxlamaqdır. Burada daha çox texniki və prosedur məsələlər nəzərdən keçirilir. İlkin ekspertizadan sonra, əmtəə nişanı ekspertiza mərhələsinə daxil olur. Bu mərhələdə artıq nişanın hüquqi aspektləri və məzmunu daha dərin şəkildə yoxlanılır. Ekspertiza zamanı əmtəə nişanının digər qeydiyyatlı nişanlarla oxşarlıq dərəcəsi, nişanın qanuni tələblərə uyğunluğu və qeydiyyata yararlılığı təhlil edilir.

 4. Qeydiyyat prosesi

Ekspertiza müsbət nəticələndikdə, nişan qeydiyyata alınır və sahibinə qeydiyyat şəhadətnaməsi təqdim olunur. Bu şəhadətnamə hüquqi müdafiə təmin edir və sahibinə nişanın istifadə hüquqlarını verir.

6. Qorunma Müddəti

Azərbaycanda əmtəə nişanı qeydiyyata alındıqdan sonra 10 il müddətinə qorunur. 

Əmtəə Nişanının Hüquqi Əhəmiyyəti

Əmtəə nişanının hüquqi qorunması, sahibinə eksklüziv istifadə hüquqları verir. Bu, rəqiblərin və ya digər şəxslərin nişanın eyni və ya bənzər formada istifadə etməsinin qarşısını alır və hüquqi tədbirlər görmək imkanı yaradır. Əgər kimsə sizin qeydiyyatlı nişanınızı icazəsiz istifadə edirsə, siz məhkəməyə müraciət edərək həmin şəxsdən ziyan tələb edə bilərsiniz.Azərbaycanda əmtəə nişanı əldə etmək biznesinizi hüquqi cəhətdən qorumaq üçün vacib addımdır. Nişanınızı qeydiyyata alaraq, brendinizi bazarda fərqləndirir və müştərilərinizin sizi tanımasını asanlaşdırırsınız. Əgər prosesin necə keçdiyini və nələrə diqqət etməli olduğunuzu bilmək istəyirsinizsə, SAMADOV Hüquq və Audit şirkətinin peşəkar hüquqşünaslarına müraciət edin.

SİZ DÜŞÜNMƏYİN, BİZ HƏLL EDƏRİK.